إليها
أنا اللى دللتك ودلعتك
وكتبت فيكي أشعاري
سكنتى وحيدة فى قلبي
وكنت أحلى أقداري
وكنت الدنيا وما فيها
ملازمني في ليلي ونهاري
وكنت كل شىء في الكون
خلاني وأصحابي وسماري
وكنت بخاف عليك من
النسمة ومن الهوا الجارى
براحتك أعملي ما بدالك
حياتك وأنت تختاري
خدي قرارك بلا مواربة
وأتشجعى ليه تحتاري
وكوني صريحه ودوغري
بلا دوران ليه بتداري
وقوليلي أنا حرة ومن
حقى أختار وده قراري
وقوليلي طريقنا مش
واحد وليه تخبي وتداري
الشاعر/عبد المنعم حمدى رضوان
