بائعة الورد (421)
................
ببيع الفل والياسمين
لهمسه قلب ليل عاشق
بيتبكى و يتشكى
لغربه روح مفرقاه سنين
يوماتي يشتري ورده
ويسألها حبيبي ده فين
ورود لقلوب فيها البسمه
بتسمع منها
شوق وحنين
ورود فى الأصل بياعه
في هواها اللي
يدفع مين
بيدبل عطرها فجأه
ياما إنداست
في أيد بايعين
ورود مدفونه
فى وجاعها
لا بتحكي ولا بتشكي بتحييها الدموع
في العين
ورود عايشه
على الهامش
يا دوب شوكها لا كان جارح ولا ذكرى
لغرام له سنين
ورود إحساسها دنيتها
مجرد ضي فيه ماشين
بتروي غصونها بنداها
لا هي عارفه النصيب
أيد مين ..
ببيع الفل والياسمين
بقلم .. صبري رسلان
