انا شايف مصر جايه
جايه من سفر بعيد
جايه بكامل زينتها
ولابسه توب جديد
جايه بكامل عافيتها
والعزم كمان شديد
واقفه علي ارض صالبه
والعود زي الحديد
والله الخير جاي
وايامنا هاتبقي عيد
وتكتر معاها افراحنا
وهانغني الأناشيد
امنا كانت تعبانه
مصر كانت عيانه
بقالها سنين وسنين
ومين ياخد بأيدها
غير ولادها الطيبين
اتحملوها ياولاد شويه
وانا عارف احنا تعبنا
وخلاص مش متحملين
لكن باقي القليل
زرعنا في كل حته
وباقي حصاد السنين
وشجر المانجا يطرح
ويا العنب والتين
وبلدنا هاتبقي جنه
والخير ليكو ياحلوين
انا شايف مصر جايه
جايه بكامل زينتها
ولابسه توب جديد
وتحيا مصر
احمد محمود
