قطر الرجال اتملي
وماعادش فيه مكان
مشي وراح بعيد
وملاء السما دخان
سحابه كبيره سوده
أصبحنا بعدها نيام
وصحينا من الغيبوبه
عل الزحمه والخنئان
قولت دي مش بلدنا
قالو اسكت وشد اللجام
اسكت وما تتكلمش
لا تروح في خبر كان
قولت ازاي عايشين
قالو جوه جوه الحيط
ونخاف لا صوتنا يبان
سألت فين الزعيم
قالو راح من زمان
قولت فين المؤمن
قالو دي كات أيام
سألت مين قائدنا
قالو ياعيني نعسان
طب مين بيحكم بلدنا
قالو فرعون وهامان
بصيت لوش الناس
لقيته اصفر وتعبان
من الفقر والهموم
المارد بقي همدان
صرخت من جوه قلبي
وقولت يارب يارحمان
خلصنا من النعسان
ولسه ليك يوم ياظالم
ورب العباد لا يعرف
النسيان
احمد محمود
١٥/١٠/٢٠١٠
