_زماااان_
كانت أيام!!!!
كان الإنسان أطيب إنسان
كانت الطيبة والحنية
في القلوب والعيون
بتبان
كان الحب طاهر
لا غدر ولا حرمان
كانت اللمة الحلوة والعزوة
مع قعدة الجيران
يقسموا لقمتهم يشربوا قهوتهم
يضحكوا من قلوبهم
والضحكة تدوي
من ورا البيبان
كانت حياتهم متزوقة بالفل
والورد والريحان
كان الراجل يلبس مراته
أجمل التيجان
هى حبيبته و أم أولاده
هى كل الحبايب والخلان
كانت حياة هادية مليانة
حب وفرح وحنان
اتغيرت ليه يا زمن!!!
وألا أولادك غيرهم
ظلم الليالي والأيام
واتفرق الحبايب
وبقى كل واحد لوحده
من الفرقة تعبان.
ينفع يا زمن ترجع عقارب ساعتك؟؟؟!!!
وترجع بينا لورا يمكن يتعدل الميزان!!!
يمكن نلاقي الأمان مستخبي
في أى مكان.
بقلمي.. وفاء غباشي
