أم وأب
******
مابيكمل طعم الحب
إلا بأم وأب
ياأغلى أثنين بهالكون
يلي فيهم وصى الرب
قالواالجنة هي الأم
وبيي هو روح القلب
سقونا محبة وحنية
وهن المشونا عالدرب
لما وعينا وصرنا كبار
وأتعلمنا معنى الحب
إعرفنا إنه هذا القلب
قطعة أم وقطعة أب
ضحوا حتى يشوفونا
أحلى بنت وأحلى شب
يفيقوا حتى يغطونا
ويدفونا بحضن وعب
ولما شابوا وصاروا كبار
صب الخير علينا صب
من دعواتهن هالكثار
يدعوا ويقولوا يارب
ونحنا مندعيلهن ونقول
يبعد عنهن كلشي صعب
تهون أيامهن عطول
ونشيلهن بالعين وبالهدب
بقلمي رياض محمد السوفاني/سوريا
