بحلم أطير (424)
................
بحلم أطير في الهواء
بدون جناح ..
أنسى الهموم أنسى الألم
وأنسى اللي راح
يمكن ألاقي لما أطير
دوا للجراح
والأقي عمري
اللي إتسرق مني وراح
وأكسر في قيد
أمس الندم
وأدفن في إحساس
إتعدم جواه الأمان
وأشطب في جرح
إترسم بالغصب كان
لحظات بتحلم بالرضى
طاير كمان
إحساس جميل
جواك فضا
جواك براح
في سماك بتغزل
توب فرح نور
من الصباح
وأيديك بتمسح دمعيتك
ولاعاد نواح
وتقول لبكره
إمتى يبجي معاك
نسيم فجري
اللي لاح
هيجي يوم
لما أغيب وأبقى ذكرى تقولوا راح
ولا هتنسوا من النهارده
ما أمسي راح
كان نفسي أطير
في الهواء بدون جناح
بقلم .. صبري رسلان
