بقلم سامي محفوظ حنا
ما وحشتكيش
ماوحشتكيش وقلبك
عني ما سالكيش.
ازاي ميسالش و حبي
في قلبك بيعيش
ولا إنت نسيتيني
علشان كده مابتساليش.
حبك في قلبي معذبني
ومش عارف من غيرك أعيش
وحشاني و بسال كثير
عنك وأنت ما بترديش.
ولاأنا كنت غلطان مافهمتكيش.
وبعد العمر ده كله ما أعرفكيش.
مش كان فيه عهد بينا
ولا إنت للعهد ما بتوفيش.
أنا حافظت على عهدي
وأنت ما حافظتيش
كانت تهون عليه نفسي
وإنت عليه ما تهونيش.
كنت ليك بعيش
وإنت لحبي مقدرتيش.
اشتريتك بعمري وقلبي
كل ده عندك مايساويش.
فين ضميرك فين قلبك
ولا ده كمان ما فيش.
أنا آسف كلمتك بلغه الحب
اللي يحسها القلب
نسيت إنك ما عندكيش
عشان كده ما فهمتيش
عشان كده ما قدرتيش
ليك حق بيه ما تحسيش.
بقلم /سامي محفوظ حنا
