ملناش نصيب (423)
................
يا أبو أجمل إبتسامه
ما تمسي ياجدع
معقوله دي الحلاوه
ولا سحر ولا ودع
فايت من تحت بيتنا
وبخيل ليه في السلام
دي عيونك توهيتنا
إرحم يا أبن الحلال
بستنى نسيم ميعادك
والقلب فى شوقه داب
يا فايتني في نار عنادك
ومصمم ع العذاب
بتداري ليه فى غرامك
وتماللي تصديني
وإن سهم العشق صابك
تحلف ولا مسيني
وإن جت عينك في عيني وكأن ما شوفتيني
عليك تقل وراساوه
بتزيد فى القلب نار
ورينا طب علامه
وأغزل من الحب دار
ده الصبر له نهايه
داب شوقنا من الإنتظار
هتدق في بابنا ولا
هنراجع ده إختيار
ملناش نصيب في قلبك
وده وهم خلاص محال
يا ترا لهواك راح أنسى
ولا بدايه المرار
بقلم .. صبري رسلان
