رساله الي الوالي
انا مش ضعيف
انا مش فقير
ليه تجريني طول النهار
علشان رغيف
ليه تخليني انا وعيالي
ننام خفيف
ليه حلم بكره
صبح حلم مخيف
صرخة الجوع لو تسمعها
صوتها مخيف
علشان رغيف
انا مش ضعيف
انت اللي ضيف
خليك خفيف
انا بذره منكوته في ارضها
من آلاف السنين
وقاعدين ومكملين
احنا أصحاب البلد
انت اللي مين
انت اللي ضيف
هوا العمي في العيون
ولا القلوب ولا الكفوف
عرفنا البخل صنعتك
علي الفقير وعلي الضعيف
انا شوفت فيك
الأمل والعمل
شوفت فيك حلم الحياه
شوفت البناء والعمار
شوفت حاجات كتير
اتغيرت وطلع نهار
لكن
علي ضهر الفقير
ضهر الضعيف
وضهر الضعيف انحني
اتني والله حرام
اسمع مني واشتري
وخليك همام
صرخة البطن لو طلعت
مش راجعه ولا ها يكفيها
مليون رغيف
انا مش ضعيف
وانت اللي ضيف
احمد محمود
