شعر غنائى ..

((( إكتب و قول )))

إكتب و قول يا قلم .. عن وجع القلب و غدر الحبيب ..

و عسق الروح .. و الصبر لما يغيب ..  غيب ..

إكتب و إحكى عن حياتى .. عن جروحى عن آهاتى ..

عن عشقى وأمنياتى .. عن عمرى اللى إتخطف قبل المشيب ..

     إكتب و قول يا قلم 

إكتب و قول للناس .. حكايتى مع العشق و الغرام ..

من يوم م إبتديت أحب .. ونا عايش ف الآحلام ..

أحب و أعشق و أتمنى .. ولا أبخلش أبدآ بحنانى ..

و ف الآخر حب ضايع .. و م وصلش للمرام ..

       إكتب و قول يا قلم

إكتب و زين الحروف .. بالدموع و الآهات .. 

إكتب عن الهجر و الفراق ..  زيف الذكريات ..

إكتب و قول يا قلم .. و م تنساش .. اللوم و العتاب ..

إكتب ع الأحبه اللى صاروا ف يوم أغراب .. ولا حسبوش الحسابات ..

      إكتب و قول يا قلم 

بقلم الشاعر الغنائى ..

محمد البريمى ..