لأ للحب من تاني (406)

......................

دليلي إحتار 

ومش عارفة 

هعيش الحب من تاني

وقلبي يدق 

ليه خايفه ومش شايفه

الأمل تاني 

يا حلم أسير على بابي

وشوق الوحده بكاني

ليالي كتير بينده لي

بحن وخايفه أسمع له

لأحب وأتوه 

فى أحلامي

بغمض عيني وأفتحها

وأتوه كام مره 

فيه سارحه

ألاقي الدنيا ضحكالي

وأداوي فى حضنه أحزاني

لا غربه ليل فيها عايشه

وألوان عمر فات بايشه

خلاص كبرت 

غصون روحي

وغصب لأعيش 

مع جروحي

لا دنيا جديده هدخلها 

وصدى عمري

سجن روحي

هدور نفسي وأنساهم

وينسوا وجودي وياهم 

لا فرحه عين هتهنالي 

وشمس ولادي 

طوق شالي

هريح بالي ما أشتاق له

وهقفل بابي على مهله 

في حضني هعيش على الذكرى وهغزل توب هنا لبكره ..

ولأ .. للحب من تاني ..

بقلم .. صبري رسلان