إنفصال (396)

...........

ندمانه ليه 

وحاسه ليه بطعم المرار

ما أنتي اللي خدتي وبأيديكي ده القرار 

إخترتي إنك تبعدي 

لبحور دموع 

وقفلتي باب قلبك 

خلاص ولا فيش رجوع

ونسيتي قلب مانساكيش هيتنه فاكر

وده ياما علشانك صبر

لوجوده ناكر  ..

داق ليل عذاب 

حس الوجع 

ولهيب فراقك  ..

والضحكه جواه إختفت

من يوم ما سابك .. 

فوتيه في أول الطريق

كان لسه عايش

والروح وفقدت نطقها 

وإحساسه بايش 

كل اللي شافه قال ده 

مات وبسهم طايش 

يا ترا بسهم الغرام 

ولا سهم الهجر  

صدمه وإنقسام  .. 

يصعب عليكي هترجعي

وترد روحه ..

ولا بعاده لا حاسه بيه

وتزيد جروحه ..

ندمانه أيوه عاللي راح 

حساه مرار 

وكأنه كاس 

مكتوب لي أدوق 

نار  لإنتظار 

لا سابوني أشوف

ضي الأمل وأخد قرار 

وأبدأ حياتي 

فوق رماد الإنفصال

فتحت عيني لقيته حلم 

ما لوش مكان .. 

لا أنا فاكره حتى أكمله

وإزاي ده كان ..

ورجعت حاضنه دنيتي

حاسه الأمان ..

بقلم .. صبري رسلان