حبيب الروح
اه يا قلبي اه
ده جماله ياالله
سحر عنيه خلاتنى أهواه
قلبي من حبه مولع نار
طول عمرى بجرى وراه
تقلان عليا بس قلبي هواه
جماله بيضرب نار
الحلو ياناس خد عقلي
معاه في سماه
مغرور بجماله وموش عارف
أعمل إيه وياه
بحبه وقلبي عاشقه موش
قادر انساه
عايز اجيبله نجمة من السما
ويكون عمرى فداه
جنني وموش قادر اقرب منه
ولا ابعد وانساه
شغلنى حبه ومابقتش عارف
ارضيه ازاي
بغيير عليه لما يمشي والعيون
سارحة معاه
مشيته زى الغزال فيها الدلع
رقته تسحر قلوب من غير عمل
نفسي حبي له يكون أجمل أمل
حورية شايفها بالقلب قبل العين
ضحكتها على الشفايف بتدوم
رقتها نسمة لها سحر على العيون
خطوتها بتخطف القلوب
عظمتها سر مايعرفوش
غير رب الكون .
بقلمى/ مدحت عبد الحكيم
