حكاية عشق السنين
حكايتا بدات بنظرة عين
وابتسامة شفايف ونبض قلبين
وفرحة غمرتنا احنا الاتنين
وسرحنا في هوانا زى عصفورين
سنين عمرنا عشناها في الهوي طايرين
عشرتنا تاجها حب مكون من حرفين
ياوردة زرعتها في بستان قلبي يارمز الحنين
يارفيقة الدرب وسند مالوش مثيل
يانهر من العطاء وهبنى الحب الكبير
يااجمل روح ملكت جسدى
وشمعة في حياتى نورها للخير سبيل
يابسمة بين الشفايف في الوجه تنير
ابتسامتك هى جنتى
ياللى ايدك وقت الحزن تمسح دمعتى
انتى الامل الجميل في دنيتي
حبي وحياتي وروحى هما ليكى هديتى
انتى وجدانى وحلمى في حلمى ويقظتى
في غربتى دعائك لي هو قوتى
طيفك في احلامى يناجينى ويؤنس وحدتى
بقلمى / مدحت عبد الحكيم عبده
