ولا يهمك
بقلم الشاعر محمد تريكة تريكة
ولا يهمك باى كلام
وتشغل بالك الاوهام
دى ناس عايشه عشان تأذى
تحط فى طريقك الالغام ............
ولا يهمك ولا تسمع
كلام فاضى ومش مقنع
وخلى طريقك كده سالك
عشان اللى يروح مابيرجع ..............
ولا يهمك معاملتهم
وعيش كانك نسيتهم
وريح بالك كده منهم
ولا تحاول ولا تدفع ...................
فاتورة ملكش كده فيها
ولا تحاسب انت عليها
ياتذرع خير وتلقاه خير
ياتبعد بعيد عن اهاليها ...............
يادنيا فيها ناس وناس
ناس بتحس ببعضيها
وناس عديمه الاحساس
وناس مالهاش خالص فيها ...............
ولا يهمك
ولا يهمك وعيش وافرح
وخدلك فى الحياة مطرح
ياصاحبى الدنيا فيها تمثيل
وناس واقفه على المسرح ....................
يقولوا اللى حافظينوا
ياريتهم حتى فاهمينوا
عايشين بياذوا فى خلق الله
وبيفرحوا لما يهينوا ........................
ولا يهمك