كروان.
عبدالله رجب ابوعدنان
كروان بيشدو ب أغانية
حزين والدمعة ف عنية
يا دنيا إنتي آسية كدة لية
والظلم ف صوره إنسان
على رصيف الحياة
متعترة اوراقي
حتى قولة اة
محروم منها يا رفاقي
ايه بس اللي جناة
ما املكش غير حبي و أشواقي
وحلم العيش ف أمان
كل الأحبة بيلموة على غرامو
والصحاب وسط الذحمة تاهو
كل الغربا اجتمعو على إعدامو
ولا اكمني فقير غلبان
اعزف يا كروان وقول لحنك
لو سكت ما حد راح يسامحك
الكلمة الحرة ف دمك ولحمك
وعمرك ما ركعت للطغيان
ف دنيا مقلوبة و معووجة
كله موضة وهوجة
الشعر الحر حرفة وسبوبة
فيها ايه لو خادت كام طوبة
فيها ايه ما جلدك اتعود ع الكرباج
الشقا والتعب خلاص مزاج
اصرخ يمكن تلاقي ف يوم عنوان
حب الأوطان غريزة
مش شخابيط ع الحيط
ولا حجاب و تعويزة
الموت بسبب حبك لوطنك
أرضك عرضك وولدك
حب الوطن أكبر ميزة
وايه يعني الجوع وايه يعني الحرمان