قصيدة بعنوان
. .......((اليتيم )). ........
بقلم /الشاعر محى جمعه طه
****************
الدنيا كانت حلوه......... ..........ونسيمها كله ربيع
ابويا وامى معايا.................... وذاكرت سين تربيع
العب والخبط ملابسى.............. وكأنى واد سريح
ماشلت هم الغسيل................ ولاحد قال ياقبيح
وفى يوم صباح العيد .............والدنيا زى الفل
لبست لبسى الجميل ............صبحت على الكل
امى الحبيبه ماشيه .......راحا فين ياست الكل؟
هزور حبيبتى................ واجيبلك معايا لعبه وفل
راحت حبيبتى........ وياريتها ماسبتنى ست الكل
الدنيا راحت معاكى............. ياما وحياتى كلها زل
لاحضن أمى باشوفه................... ولاحنان من حد
الضحكه منى إنطفت............... وحياتى قلبت جد
حسيت بأنى وحيد.................. مالى قريب ولاحد
والحزن ساكن فى قلبى........... والدمع مالى الخد
يادنيا حلمك علينا.................. . حنى على الأيتام
خلينى اضحك تانى.................. خلينى اعرف انام
الدمع دبل جفونى.................. واحلامى بها اوهام
آه ياما فينك ياأمى.................. ولا يوم من إلأيام
يارب متع حبيبتى أمى... بالجنة..وزيدها بالإنعام
*** حال اليتيم ****
كتبها وأعدها
الشاعر/ محى الدين جمعه طه