✍️هبطل
أكتب شعر عشان كترت معانى اللوم
وإزاى نعلم ناس تغطس فى القاع وهى مابتعرفش تعوم
هبطل
أتعشم زياده وأتعلق بحد
عشان أنا قلبى فاض بيه بجد
هبطل
أحس وأحافظ على الذكريات
سواء كانت من الحاضر أومن زمن فات
هحاول
أعيش حياتى و من دروسها هتعلم
وهموت الضعف إل فيا وعمرى ماهتألم
أكيد هقع كتير بس مسيرى هقوم
وعمرى بعد وقعاتى ماهعاتب ولا ألوم
هبطل
أتعشم فى حد بزياده
بدال ماأتندم وألاقيه بيتكبر وفى عناده بيتمادى
هبطل
أكتب شعر
وهكتب نكت وأغانى
مش هفضل أنا وقلبى كده نتألم ونعانى
،،،،مها صالح،،،